E ardhmja do të ikë
E di
Ma lehtë, ma vështirë
Me luajt nga vendi
A vendin me luajt
Hap udhë
Ditën, natën
Luani tek ti
Deri sa të shuhet
Vetëm një e di
Të ndjek
Ta shuaj shpirtin
E një populli
Çka ka mbet'
Në atdhe të vet.
Kush i prekë ëndrrat
E fëmijëve
Ka prekë fundin e vet.
Shpirt pa atdhe
Mund të ketë
E di
A mund të ketë.
Atdhe pa shpirt?
.
.
Drita e zërit na zgjoi
Që menatë
Gjithçka shihet
Si është me u ngritë
Pa një lule
Poetit të varur në shesh
Që lëkundej në erë
Si është me u ngritë
Mbi veten duke shkelë
Pa u skuqë
Pa u zverdhë
Ngritët lartë
Në majë
Piramida e pluhurit
Të bardhë
Fillon me u shpërbë
Nga e vërteta
Që nuk mund të durojë më
Nga njerëzit e padukshem
Nga njerëzit e pa zë,
Nga zogjtë
Që nuk duan të fluturojnë
Mbi re me u tretë
Duan diellin me rrënjë
Në atdheun e vet.
Narcisi
Pa maskë do bjerë
A do e njohë
Fytyrën e vet
Po ta shohë
Ndonjëherë.
Sa më lartë të ngritet
Mbi vehten duke shkelë
Do bjerë
Aq më rëndë do bjerë.
Tmerri i lirisë
Tmerr
Të mos e shohësh lirinë
Siç është.
Tmerri i lirisë është
Të kesh sytë në ballë
Në mes
Të mirës e të keqes
Të mundesh me zgjedh
Të mundesh
Të mos mundesh
Me ja lanë fajin
Askujt
Për zgjedhjen e bërë.
Tmerri i lirisë është
Ta shohim
Siç jemi.
Shqipëri
Toptani nuk ja doli
Të të shes
Toptan.
Toptani ra
Në pranverë
Dy lulëkuqe mbi ball
Ke me ia pa.
A foli Noli
I pari
Nga të gjithë
Tradhëtine
Më së lehti e harron
Shqiptari.
Tradhtari më i madh
Dihet
Është Ai
Që nuk zihet.
Noli nuk foli
As i pari
As i fundit.
Të njëjtin prijës nuk e gjen dy herë
- asnjëherë!
Tulipanët
Na kujtojnë Holandën.
Serbia?
Na kujton e përkujton
Gjenocidin
Me kama
Si duar të zgjatura
Më të gjata se nata.
Na kujton
Srebernicën
Drenicën...
Fjalën më të rëndë në tokë
Që të djeg gjuhën
Që të djeg shpirtin
'Krvoločnost'
Dehjen me gjak njeriu
Që i rjep për së gjalli
Derisa të shuaj çdo filiz
Çdo kalli.
Gjaku i tjetrit
Në duar të saj
Na kujton
Botën
Në të cilën rron!
P.S.
Me bekimin e kryetarit, Aleksandar Vučiq, Serbia përcjell me nderime shtetërore e ushtarake dhe admirim te popullit serb ish komandantin e vet Ratko Mladiq, të njohur si “Kasapi i Bosnjes”, të dënuar nga Gjykata e Hagës me burg të përjetshëm për gjenocid e krime kundër njerëzimit.
Legjenda e vjetër
Nuk vjetrohet.
Fqinji im
Në veri
Si duket sot
Kush ka mbiemër
Ujku
I ka tiparet e tij.
E di
A nuk e di që unë e di,
A nuk e di që unë e di që ti e di,
A nuk e di që unë e di që ti e di që unë e di,
Emrin e ri
Të rrugës së vjetër
Në Beligrad,
Emrin e zi.
Is it madness
To deal
With the madman
When the madman
Deals with you?
Don't ask her
She will reveal herself.
For she is the spiritual daughter
of the Devil.
Nothing else matters.
Glory to Madness.
Until it loves its own children
more than it hates
Albanians,
Serbia
will find
neither peace with itself,
nor peace with others.
It is not madness
to deal with madman
when the madman
comes after you,
seeking
to erase you
from the face
of the earth.
P.S. A response to the statement by Serbian Minister Snežana Paunović that, had she been in Slobodan Milošević's position in 1998, she would have "ethnically cleansed Kosovo”.
